Latest News

Vismin Super Cup Inaugural Season Sugdan Sa Abril 9

CEBU, Philippines — Pito ka teams ang nipadayag nga mosalmot  sa Pilipinas Vismin Super Cup diin ang ilang inaugural season gikatakdang mosikad karong Abril 9 sa usa ka bubble set-up uban ang Cebu mo-host sa mga duwa sa Visayas division ug ang Zamboanga alang sa Mindanao.

Kini naglakip sa Zamboanga City Valientes,  Pagadian City Explorers ug  Sindangan, Zamboanga del Nortegikan sa Mindanao, ug ang KCS Mandaue City, Cebu City, Talisay City ug Lapu-Lapu City gikan sa  Visayas.

Atol sa virtual organizational meeting pinaagi sa Zoom niadtong Lunes, si Super Cup heads of basketball operations Rocky Chan ug coach Marvin Caro  mipahibalo nga labing menos  pito ka teams nipadangat sa ilang intensiyon nga moduwa sa community-based league diin ang unang tumong niini mao ang pagdiskubre  og mga talento ug paghatag sab og higayon ngadto sa mga magduduwa nga anaa sa mga probinsiya.

Usa ka team gikan sa usa ka Canada-based benefactor ang  interesado sab nga mosalmot sa Super Cup.  Si kanhi PBA star nga karon Cebu City Councilor Dondon Hontiveros, kinsa bag-o lang gitudlo isip Super Cup ambassador, misaad nga mohatag og suporta kutob sa iyang mahimo aron matuman ang misyon sa liga nga makakaplag og mga potensiyal ug pagpalambo kanila aron mahimong usa maayo nga basketbolista.

“I’m very excited to represent this Vismin Super Cup because I’m a product of this community-based league that paved the way for my two decades in the PBA and reach my dreams,”  matud pa ni Hontiveros. “I will help for this to push through. Hopefully we can move forward.”

 

Source: Philstar.com

Leave a Reply