Latest News

VisMin Cup Pormal Nga Ilusad Sa GAB Isip Professional League

Pormal nga ilusad na sa Games and Amusement Board (GAB) karong Miyerkules, Pebrero 3, 2021 ang gikahinaman nga Pilipinas VisMin Super Cup isip professional basketball league sa nasod.

Kini maoy gipahibawo sa chief operation officer (COO) sa lega nga si Rocky Chan atol sa gipahigayon nga virtual press conference niadtong Lunes sa gabii.

“Ok. I will announcced here na. We will have a virtual launch on Wednesday where the Pilipinas VisMin Super Cup will be officially announced by GAB Baham Mitra and board of GAB as the newest professional basketball league in the Visayas and Mindanao,” matod ni Chan.

Subling gipasabot ni Chan nga ang pagkatukod sa VisMin Cup dili pagpakigkopentensiya sa laing lega kon dili ang pagtabang niadtong mga players sa probinsiya nga mahatagan og igong exposure ang ilang abilidad.

Sa samang higayon makaabag usab kini sa panginabuhi sa tanang nalakip sa lega ilabi ning panahon sa pandemic.

“Super Cup is here to help players, coaches, utility people, referees and everyone involved in the sport of basketball. We want to help lalo na in this time of pandemic. That’s why we applied for a professional license and we’re very fortunate that it was smooth sailing with GAB,” dugang ni Chan.

Target sa VisMin Cup nga sugdan ang unang conference sa Visayas division karong Abril 9, 2021 pinaagi sa usa ka bubble tournament.

Upat ka mga teams sa Visayas ang mikompirmar sa ilang partisipasyon samtang unom ang sa Mindanao division. Hinuon nagpadayon pa ang mga negusasyon sa ubang mga teams nga nagpakita usab og interest sa naasoyng lega.

Subay niini, ang Molders of Define Champion (MDC) ang bag-ong tiggama og dekalidad nga bola maoy gihimong official ball sa VisMin Cup.

Atol usab sa press conference gipahigayon usab ang pinirmahay sa memorandum og understanding (MoA) tali ni Chan ug sa mga officials sa MDC nga sila si Alaine Diaz de Leon ug Nico Clemente.

Gipahibawo ni de Leon nga aktibo na usab karon ang MDC sa mga 3×3 tournament sa tibuok nasod. (JBM)

 

Source: Sunstar.com.ph

Leave a Reply