Latest News

Tagoloan, TCC Nahagit Mosalmot Sa VisMin Super Cup Basketbol

HUGOT nga nakapadani sa munisipyo sa Tagoloan, Misamis Oriental ang nabani-og nga pagpahigayon sa VisMin Super Cup amateur basketball league.
“Sa kataas nga gi-antos tungod sa pandemya uhaw ang tanan sa mabulokong programa sa pa-ugnat sa kusog. Of course, lakip na kami sa Tagoloan nga interesado ug naghinam-hinam nga mahimong kabahin niining maong kalamboan,” matud ni Van Halen Parmis, sports-in-charge sa Tagoloan nga aktibong mamahimong sports mecca sa Northern Mindanao.

Unang gi-anunsyo ni businessman and league executive vice president Vicente Guingona nga ang regional hoopfest diin tumong ug tinguhang madiskobre ang mga talento sa probinsiya pagasugdan sa umalabot 2021.

Kini milakbit sa inisyal nga eleven teams, nga morepresenta sa mga localities sa Cebu City, Davao City, Cagayan de Oro City, Iloilo, Dumaguete, Mandaue City, Zamboanga City, Rojas City, Iligan City, Pagadian ug Sindangan, Zamboanga del Norte.

Puntirya sa maong liga ang duha ka konperensiya, usa niini mobayani sa mga local o homegrown talents ug ang kapikas pangunahan sa mga foreign reinforcements. Ang gikahinamang liga mikonsidera sa home-and-away format alang sa elimination round.

“Ang VisMin Super Cup adunay ka-amgid sa kanhing MBA ug NBC leagues nga miba-id sa abilidad ug mipasutoy sa PBA sa pipila ka manunula sa Mindanao sama nilang Eddie Laure sa Pagadian ug Mark Yee sa MisOr Team. Of course, ang munisipyo sa Tagoloan uban ang hugot nga suporta sa among sports-loving Mayor Gomer ‘Enan’ Sabio adunay kapasidad nga mokombate niining klase nga regional amateur league uban ang katakos sa Tagoloan Community College (TCC) varsity players ug tulo ka iladong veteran locals JR Gerilla, Jeffrey Morial ug Maher Eduave,” dason pa ni Parmis.
Pipila ka mga PBA legends sama nilang Ramon Fernandez, Abet Guidaben ug Jojo Lastimosa ug kasamtangang PBA stars June Mar Fajardo, James Yap , Scottie Thompson ug uban pa nagagikan sa South sa wala pa napamatud-i ilang talagsaong katakos sa gitawag nga Liga ng Bayan.

Source: Northern Mindanao Daily

Leave a Reply